У адным з цэхаў «Хімвалакна» ў Гародні адбылося надзвычайнае здарэнне

• 29.08.2025, 18:11

Ёсць пацярпелыя.

У адным з цэхаў «Хімвалакна» ў Гародні адбылося аварыйнае разбурэнне паравога катла, ёсць пацярпелыя. Аб гэтым паведамілі ў прэс-службе Следчага камітэта.

Паводле папярэдняй інфармацыі, днём 29 жніўня пры планавым пераводзе паравога катла з прыроднага газу на дызельнае паліва адбылося яго аварыйнае разбурэнне, у выніку якога траўмаваныя два работнікі кацельнага цэха. Адзін з мужчын з апёкамі чацвёртай ступені дастаўлены ў медыцынскую ўстанову.

На месцы здарэння працуе следча-аператыўная група. Следчыя фіксуюць абстаноўку, апытваюць відавочцаў, канфіскоўваюць дакументацыю па ахове працы і тэхніцы бяспекі.

Прадпрыемства працягвае працу ў штатным рэжыме, тэхналагічныя працэсы не парушаныя.