Яшчэ адзін малады беларускі футбаліст з'язджае ў Еўропу

• 29.08.2025, 16:11

Ягор Пархоменка будзе гуляць у балгарскім клубе.

Абаронца зборнай Беларусі і гродзенскага «Нёмана» Ягор Пархоменка у бліжэйшы час працягне кар'еру за межамі краіны.

Паводле звестак сайта bel.football, 22-гадовы футбаліст падчас міжнароднай паўзы стане гульцом балгарскага клуба ЦСКА 1948.

У бягучым сезоне Пархоменка правёў 27 афіцыйных матчаў, у якіх запісаў на свой рахунак гол і выніковую перадачу.

Паведамляецца, што сума трансферу складзе каля €70 000.

ЦСКА 1948 пасля 6 тураў чэмпіянату Балгарыі займае 3-е месца ў табліцы, маючы ў актыве 13 ачкоў.

Адзначым, што ў гэтай краіне выступае яшчэ адзін наш суайчыннік — галкіпер зборнай Фёдар Лапоухаў. Ён брамнік сафійскага ЦСКА.