На будоўлі менскага жылога комплексу «Сонечны» адбыўся пажар
- 29.08.2025, 12:34
Густы шэры дым быў бачны здалёк.
На будоўлі жылога комплексу «Сонечны» адбыўся пажар, густы шэры дым быў бачны здалёк. На месца аператыўна прыбылі ратавальнікі.
Высветлілася, у сутарэнні шматкватэрнага дома, які будуецца, загарэўся ўцяпляльнік. Плошча ўзгарання склала каля 150 квадратных метраў.
На месцы працавалі чатыры пажарныя машыны і аўтадрабіны. Ратавальнікі ліквідавалі загаранне, пасля чаго заняліся праліўкай канструкцый.
На шчасце, абышлося без пацярпелых.