У Польшчы на рэпетыцыі авіяшоў разбіўся F-16

• 28.08.2025, 21:29

Пілот загінуў.

У польскім горадзе Радам у чацвер разбіўся знішчальнік F-16, пілот якога загінуў.

Пра гэта паведаміў прадстаўнік урада Польшчы Адам Шлапка.

Са слоў Шлапкі, F-16 разбіўся падчас падрыхтоўкі да авіяцыйнай выставы AirShow у Радаме.

"На жаль, пілот загінуў. Міністр абароны Уладзіслаў Касіняк-Камыш пагаварыў з прэм'ер-міністрам і цяпер накіроўваецца да месца катастрофы”, – напісаў спікер на Х.

На відэа, распаўсюджаным у сацсетках, відаць, як знішчальнік імкліва страчвае вышыню і разбіваецца аб зямлю.

Міжнародная авіяцыйная выстава AirShow павінна адбыцца 30-31 жніўня ў Радаме і з'яўляецца адным з найбуйнейшых такіх мерапрыемстваў у Еўропе, на якім у гэтым годзе можна будзе ўбачыць больш за 150 самалётаў з 20 краін.