ГУВ знішчыла інфраструктуру вузлавой чыгуначнай станцыі Цвер

• 28.08.2025, 19:37

Падрабязнасці.

Украінскія выведнікі 28 жніўня знішчылі інфраструктуру вузлавой чыгуначнай станцыі Цвер на тэрыторыі Расеі.

Аб гэтым РБК-Украіна паведамілі крыніцы ў Галоўнай управе выведкі Мінабароны Украіны.

Паводле інфармацыі крыніц, атака на станцыю адбылася блізу 5 раніцы 28 жніўня. Як бачна на атрыманым відэа, пад чыгуначнымі цыстэрнамі, якія знаходзіліся на чыгуначным палатне і відавочна напоўненымі гаручым, была закладзеная выбухоўка.

Праз некалькі секунд адбыўся магутны выбух шляхам дыстанцыйнага падрыву зарада. Пасля гэтага цыстэрны былі ахопленыя агнём з наступным распаўсюджваннем пажару на ўсю тэрыторыю чыгуначнай станцыі.

Як паведаміў суразмоўца ў ГУВ, атака на вузлавую станцыю Цвер з'яўляецца часткай комплексу мерапрыемстваў па знішчэнні лагістычных магчымасцяў дэжравы-агрэсаркі ў забеспячэнні акупацыйных войск гаруча-змазачнымі матэрыяламі, боепрыпасамі і асабовым складам.