Лукашэнка павязе мяшкі з бульбай у Кітай

• 28.08.2025, 18:39

Дыктатар падорыць бульбу лідарам ШАС на фоне дэфіцыту ў краіне.

Аляксандр Лукашэнка паказаў падарункі для прэзідэнтаў, якія ён павязе на саміт Шанхайскай арганізацыі супрацоўніцтва (ШАС) у Кітаі, які пройдзе з 31 жніўня да 1 верасня. У якасці падарункаў дыктатар паднясе мяшкі з бульбай па 5 кг.

«Вось я сабраў дзесяць кошыкаў па тры мяшочкі па 5 кг заўтра ў Кітай, і кожнаму прэзідэнту там усё падпісана, імянныя мяшкі», — сказаў Лукашэнка.

Таксама Лукашэнка адзначыў, што Пуцін даўно ў яго просіць беларускую бульбу, спасылаючыся на тое, што «з краіны ўжо вывезлі ўсю бульбу».