У Віцебску загарэўся тэхналагічны ўніверсітэт

• 28.08.2025, 12:47

Пажар адбыўся ў галоўным корпусе сёння раніцай.

У Віцебску адбыўся пажар у галоўным корпусе дзяржаўнага тэхналагічнага ўніверсітэта.

Паведамленне пра задымленне паступіла на пульт дзяжурнага МНС а 04:34 28 жніўня ад сістэмы аўтаматычнага апавяшчэння «Маланка».

Ратавальнікі, якія прыбылі на месца выкліку, выявілі, што з акна першага паверха навучальнага корпуса ідзе дым. Зайшоўшы ўнутр, яны высветлілі, што ўзгаранне адбылося ў тамбурным памяшканні.

Пажар аператыўна ліквідавалі. На шчасце, абышлося без ахвяр і пацярпелых.

Паводле папярэдняй інфармацыі, агнём у тамбуры пашкоджана аздабленне сцен, знішчаны столь і пашкоджаны электравеласіпед.

Разгляданая версія прычыны ўзгарання — парушэнне правілаў эксплуатацыі электраабсталявання, у прыватнасці кароткае замыканне электравеласіпеда.