Ва Уроцлаве пройдзе спартова-музычны фэст «Братэрства свабоды»

• 27.08.2025, 17:45

Мерапрыемства адбудзецца 30 жніўня.

У польскім Уроцлаве адбудзецца спартова-музычны фэст «Братэрства свабоды». Мерапрыемства пройдзе 30 жніўня.

Вас чакаюць: трэніроўкі ў аэробіцы і стрэтчынгу (расцяжка і гнуткасць пад кіраўніцтвам прафесіяналаў), сямейныя эстафеты, навучанне акрабатыцы, прыёмам дзюдо і FCFS, забаўляльныя праграмы і актыўнасці для дзяцей, канцэрт з удзелам беларускіх і ўкраінскіх музыкаў.

Таксама адбудзецца аматарскі турнір у валейболе сярод 16 каманд. Пачатак турніру - а 9:00.

На тэрыторыі фэсту будуць працаваць месцы з закускамі і напоямі.

«Прыходзьце ўсёй сям'ёй, будзе шмат азарту, музыкі, смеху і добрага настрою», - распавялі арганізатары сайту Charter97.org.

Фэст пройдзе па адрасе: Вроцлаў, ul. Józefa Mianowskiego 2B.