У Арменіі прайшоў пратэст каля расейскай вайсковай базы

• 23.08.2025, 20:41

Пратэстоўцы запатрабавалі вываду войскаў РФ.

Армянская партыя «У імя Рэспублікі» і яе прыхільнікі ў суботу арганізавалі акцыю пратэсту ля 102-й расейскай вайсковай базы ў Гюмры.

Пра гэта паведамляе News.am.

Пратэстоўцы патрабавалі ад урада Арменіі вывесці расейскую вайсковую базу з Гюмры. На відэа бачна, што базу ахоўвае значная колькасць паліцыі.

Удзельнікі пратэсту таксама трымалі плакаты з надпісамі тыпу «102-я вайсковая база – прэч з Арменіі», скандавалі лозунгі супраць расейскай улады і паказвалі ў бок базы сярэдні палец.

Гэта не першы такі пратэст у Гюмры, дзе патрабуюць вываду расейскіх вайскоўцаў з 102-й базы.