Новы калапс у расейскіх аэрапортах

• 23.08.2025, 19:59

РФ масава атакуюць дроны.

У шэрагу расейскіх аэрапортаў 23 жніўня спынілі прыём і выпуск самалётаў праз атаку беспілотнікаў.

У Расавіяцыі паведамілі аб прыпыненні палётаў у аэрапортах Саратава, Валгаграда, Калугі, у пецярбуржскім аэрапорце Пулкаве і ў аэрапорце Ніжняга Ноўгарада.

Палёты ў Саратаве і Валгаградзе ўжо аднавілі.

Паводле звестак Telegram-канала ASTRA ў аэрапорце Пулкава затрымалі больш за 40 рэйсаў.

У Мінабароны РФ заявілі, што знішчылі 32 украінскіх беспілотнікаў самалётнага тыпу над Калужскай, Бранскай, Наўгародскай, Ленінградскай, Цвярской, Смаленскай і Тульскай абласцямі РФ. Губернатар Санкт-Пецярбурга Аляксандр Бяглоў паведаміў аб двух беспілотніках, якія даляцелі да гэтага горада.