Байцы ГУР ліквідавалі катаў з Бучы

• 23.08.2025, 15:35

Украінскія разведчыкі знішчылі групу акупантаў, якія маюць дачыненне да ваенных злачынстваў.

Галоўнае ўпраўленне разведкі (ГУР) Міністэрства абароны Украіны 22 жніўня знішчыла расейскіх акупантаў, якія бралі ўдзел у вайсковых злачынствах у Бучы Кіеўскай вобласці ў пачатку поўнамаштабнага ўварвання краіны-агрэсара Расеі. Пра гэта прэс-служба ГУР паінфармавала ў Telegram.

Разведчыкі паведамілі, што напярэдадні Дня дзяржаўнага сцяга Украіны на тэрыторыі часова акупаванага населенага пункта Калінава Кадзіеўскай гарадской абшчыны Алчэўскага раёна Луганскай вобласці раздаўся выбух. Дэтанацыя адбылася ў двары аднаго з дамоў, дзе знаходзіліся шасцёра расейскіх захопнікаў з іх вайсковым транспартам.

"У 2022 годзе названыя расейскія акупанты прымалі непасрэдны ўдзел у ўчыненні вайсковых злачынстваў у горадзе Буча Кіеўскай вобласці", – адзначылі ў ГУР.

Паводле звестак разведчыкаў, у Луганскай вобласці расейцы выконвалі функцыю мабільнай групы супрацьпаветранай абароны для прыкрыцця ад паветраных нападаў добраўпарадкаванай недалёка ад дома варожай ваенна-рамонтнай базы.

"У выніку выбуху знішчаныя два варожыя пікапы з кулямётамі, УАЗ «буханка», загружаная боекамплектам, а таксама трое расейскіх акупантаў. Яшчэ двое захопнікаў - цяжкія "300-я". ГУР МА Украіны нагадвае: за кожнае здзейсненае супраць украінскага народа вайсковае злачынства будзе справядлівая адплата", - гаворыцца ў допісе.