Беларусаў здзівіў вінаград са смакам цукровай ваты

• 23.08.2025, 13:13

Колькі ён каштуе, і дзе яго можна купіць.

З 23 жніўня ў крамах Менска з'явіцца незвычайная садавіна — вінаград гатунку Cotton Candy, які па смаку нагадвае цукровую вату. Навінку для нашай краіны пратэставаў праект obzoor.by.

Вінаград Cotton Candy, які паспрабавала вядучая, родам з Гішпаніі. У апісанні да відэа яго нават назвалі «каралеўскім».

- Такога ў Беларусі яшчэ не было. І звычайна гатунак Cotton Candy пастаўляецца ў вельмі дарагія крамы Еўропы, - распавяла супрацоўніца праекта.

Першае ўражанне ў вядучай разышлося з чаканнямі:

- Гэта вельмі смачны вінаград без костачак, але, шчыра кажучы, цукровай ваты я асабліва не адчуваю. Можа, я нешта не так раблю?

Але, калі дзяўчына паспрабавала, прыйшлося ўдакладняць:

- Я крыху больш з'ела, і некаторыя вінаградзінкі проста выбухалі смакам цукровай ваты ў мяне ў роце. Яны не ўсе з такім смакам, але некаторыя трапляюцца. Проста трэба больш рассмакаваць. 10 з 10.

Вінаград можна знайсці ў сетцы «Санта», ён каштуе 25,99 рубля за кілаграм.