Беларусь стала топавым пастаўшчыкам аднаго з тавараў у Кітай
- 23.08.2025, 10:44
Больш пастаўляе толькі Расея.
Таварная пазіцыя з ліку харчовай прадукцыі актыўна пастаўляецца з Беларусі на кітайскі рынак, піша MYFIN.
Размова ідзе аб рапсавым алеі, які КНР традыцыйна закупляе ў вялікіх аб'ёмах.
У спісе пастаўшчыкоў рапсавага алею на кітайскі рынак Беларусь займае другое месца, уступаючы толькі Расейскай Федэрацыі.
Паводле звестак "Аграэкспарт", за студзень - чэрвень 2025 года Кітай закупіў у Расеі рапсавага алею на $685 млн.
За пастаўкі з Беларусі Кітай заплаціў амаль $173 млн.
У топ-5 пастаўшчыкоў рапсавага алею на кітайскі рынак таксама ўвайшлі Канада ($134 млн), ААЭ ($100 млн) і Францыя ($42 млн).