Дроны масавана атакавалі Валгаградскую вобласць РФ: пашкоджаны чыгуначны вузел

• 23.08.2025, 8:14

Станцыя палае.

Уначы 23 жніўня беспілотнікі масавана атакавалі Валгаградскую вобласць Расеі: пад ударам апынуўся Камышынскі раён, дзе ў выніку абстрэлу падняўся пажар на чыгуначнай станцыі, а таксама выбіла шкленне ў навакольных дамах, піша «Фокус».

Дроны пабілі чыгуначную станцыю ў горадзе Пятроў Вал Валгаградскай вобласці РФ. Аб нападзе паведамілі расейскія Telegram-каналы.

«У горадзе Пятроў Вал у Камышынскім раёне Валгаградскай вобласці пасля нападу БПЛА ўзнік пажар у раёне мясцовай чыгуначнай станцыі, паведамілі мясцовыя жыхары. У вокнах дамоў выбіта шкло», - гаворыцца ў паведамленні.

Таксама ў сетцы паказалі кадры з месца падзей. На відэароліку бачна, як у горадзе падняўся пажар.

Губернатар Валгаградскай вобласці Андрэй Бачароў паведамляў аб наступствах атакі БПЛА па рэгіёне. Аднак ён у сваёй зводцы аб наступствах не згадаў аб удары па чыгуначнай інфраструктуры ў Пятровым Вале.