Трамп адрэагаваў на расейскі ўдар па амерыканскім заводзе ва Украіне

• 22.08.2025, 21:46

Прэзідэнт ЗША заявіў, што “прыме пастанову цягам двух тыдняў”.

Прэзідэнт ЗША Дональд Трамп заявіў, што “незадаволены” расейскай атакай на амерыканскі завод электронікі ў Мукачаве Закарпацкай вобласці.

Пра гэта ён паведаміў падчас сустрэчы з прэзідэнтам ФІФА Джані Інфанціна ў Белым Доме ў пятніцу, 22 жніўня.

"Не, я не задаволены нічым, што тычыцца гэтай вайны. Нішто. Зусім не задаволены. Паглядзім, што будзе далей. Думаю, на працягу наступных двух тыдняў мы даведаемся, як усё будзе развівацца. І мне лепш быць вельмі задаволеным", - заявіў Трамп.

Прэзідэнт ЗША таксама паўтарыў, што за два тыдні “стане зразумела”, як будзе развівацца сітуацыя ў вайне.

“Я думаю, што праз два тыдні мы даведаемся, які шлях я выберу, бо я выберу адзін з двух, і яны даведаюцца, які менавіта”, — сказаў Трамп.