Санду дала грамадзянства Малдовы расейскаму кінакрытыку Антону Доліну

• 22.08.2025, 20:49

У Расеі ён прызнаны «замежным агентам».

Прэзідэнтка Малдовы Мая Санду надумала даць грамадзянства краіны расейскаму кінакрытыку Антону Доліну, прызнанаму ў РФ «замежным агентам», і ягонай сям'і.

Пра гэта паведаміла малдаўскае выданне Newsmaker.

Адпаведны ўказ адміністрацыя прэзідэнта Малдовы апублікавала 22 жніўня. Дакумент увойдзе ў дзеянне пасля публікацыі ў афіцыйным маніторы.

Аб пастанове прэзідэнта напярэдадні, 21 жніўня, выданню паведаміў прэс-сакратар кіраўніка дзяржавы Ігар Захараў. Ён удакладніў, што ўказ будзе апублікаваны найбліжэйшым часам.

Долін з'ехаў з Расеі ў сакавіку 2022 года, пасля пачатку поўнамаштабнай вайны супраць Украіны. У кастрычніку таго ж года Мінюст РФ унёс яго ў спіс «замежных агентаў» праз публічную антываенную пазіцыю.