Эстонія гатовая адправіць ва Украіну вайскоўцаў

• 22.08.2025, 19:14

Талін хоча зрабіць свой унёсак.

Эстонія гатовая ўзяць удзел у будучай міратворчай аперацыі ва Украіне сіламі да адной роты.

Пра гэта ў пятніцу заявіў эстонскі прэм'ер-міністр Крысцін Міхал, паведамляе Reuters.

Падчас сустрэчы з кіраўніком фінскага ўрада Петэры Орпа ў Таліне Міхал пацвердзіў, што Эстонія гатовая зрабіць унёсак у будучыя «сілы стрымлівання» ва Украіне колькасцю да роты.

Ён не ўдакладніў, колькі менавіта вайскоўцаў мае на ўвазе.

«Перадумоваю справядлівага і ўстойлівага міру з'яўляюцца моцныя гарантыі бяспекі для Украіны, каб Расея нават не думала аб паўтарэнні агрэсіі. Цяпер мы чакаем, што і іншыя краіны зробяць свой унёсак», - цытуе Міхала прэс-служба эстонскага ўрада.