Украіна атрымала ад Еўразвяза новую рату фінансавай дапамогі

• 22.08.2025, 17:24

Больш за чатыры мільярды еўраў.

Украіна 22 жніўня атрымала ад Еўрапейскага Звязу новую рату фінансавай дапамогі паводле дзвюх праграм. Мільярд еўраў Кіеву падалі праз ERA Loans, яшчэ 3,05 мільярда - у рамках Ukraine Facility.

Пра гэта паведамляе «РБК-Украіна» са спасылкай на паведамленне прэм'ер-міністра Украіны Юліі Свірыдэнкі.

З яе слоў, агулам Украіна атрымала ад партнёраў 4,05 мільярда еўращ, з якіх:

адзін мільярд еўраў у рамках ERA Loans, фінансаванне з даходаў ад замарожаных актываў Расеі;

3,05 мільярда еўраў у рамках Ukraine Facility для аднаўлення і інтэграцыі.

«Гэтая падтрымка ўмацоўвае як дзяржаўны бюджэт, так і працэс аднаўлення. Дзякуй еўрапейскім партнёрам. Разам мы ўпэўнена рухаемся да будучыні Украіны ў моцнай і аб'яднанай Еўропе», - дадала Свірыдэнка.