Станцыю метро «Прафсаюзная» ў Менску будаваць не будуць

• 22.08.2025, 15:34

Чыноўнікі разважылі, што немэтазгодна.

Станцыі метро «Прафсаюзная», якую планавалі пабудаваць на скрыжаванні вуліцы Мельнікайтэ і праспекта Пераможцаў, будаваць не будуць. Гэтую інфармацыю журналістам пацвердзілі ў Мінгарвыканкаме.

«Быў перагледжаны праект, прааналізаваная пасажыраплынь, прапускная здольнасць, агулам мэтазгоднасць размяшчэння там станцыі. Важна ўлічваць і тое, што побач «Няміга» і «Фрунзенская». У выніку перагляду гэтай станцыі няма» - піша прэс-служба Менгарвыканкама.

Станцыя «Прафсаюзная» павінна была размяшчацца ў Цэнтральным раёне Менска. Назву ёй прысвоілі з нагоды размешчанага побач будынку Федэрацыі прафсаюзаў Беларусі.