У Нямеччыне працаўнік фабрыкі скраў дзве тоны кавы

• 21.08.2025, 21:21

Мужчыну на час следства адпусцілі, але ягоны аўтамабіль канфіскавалі.

Жыхара нямецкага Гамбурга абвінавацілі ў крадзяжы ў асабліва буйных памерах. У прыватнасці, 31-гадовага мужчыну падазраюць у тым, што ён прысвоіў сабе больш за дзве тоны кавы. Пра гэта паведаміла ў чацвер паліцыя Гамбурга.

Фабрыка ў Гамбургу ў пачатку жніўня звярнулася ў паліцыю праз падазронасць, што адзін з працаўнікоў крадзе каву і затым перапрадае яе. У пачатку тыдня праваахоўнікі затрымалі 31-гадовага мужчыну, у аўтамабілі якога знайшлі амаль паўтоны свежай змолатой кавы, расфасаванай у аднакілаграмовыя мяшкі.

Паводле запыту пракуратуры Гамбурга паліцыянты абшукалі кватэру і два гаражы, прыналежныя працаўніку.

“Яны канфіскавалі яшчэ 1900 кілаграмаў кавы, больш за 20 тысяч еўраў гатоўкай і высакаякасныя наручныя гадзіннікі як магчымы прыбытак ад злачынства і доказы”, - гаворыцца ў паведамленні.

Мужчыну на час следства адпусцілі, але ягоны аўтамабіль канфіскавалі.