Дачка Келага пра жаданне Пуціна атрымаць кавалак Украіны: А я хачу Mercedes

• 21.08.2025, 20:23

Меган Мобс заявіла, што "міжнароднае права не можа быць адмененае агрэсіяй".

Дачка спецыяльнага прадстаўніка прэзідэнта ЗША Дональда Трампа ў пытаннях Украіны Кіта Келага Меган Мобс 21 жніўня ў сацсетцы Х раскрытыкавала абмеркаванні падзелу Украіны паводле патрабавання дыктатара Расеі Уладзіміра Пуціна.

“Я не разумею логіку таго, што Расея хоча тэрыторыю, і гэта лічыцца разумным патрабаваннем. Я хачу Mercedes G-Wagon, але калі я ўламлюся ў аўтасалон і паспрабую яго выкрасці, мяне згодна з правам арыштуюць”, - напісала яна.

Мобс заявіла, што "міжнароднае права не можа быць адмененае агрэсіяй".