Дроны атакавалі базу ГРУ РФ у акупаваным Крыме

• 21.08.2025, 10:20

Момант удару паказалі на відэа.

Уночы на 21 жніўня ўкраінскія БПЛА атакавалі вайсковыя аб'екты ў часова акупаваным Крыме. Пра гэта паведамілі мясцовыя Telegram-каналы. Паводле звестак Telegram-каналаў, пад атаку дронаў гэтым разам трапіў вайсковы аб'ект каля акупаванага Севастопаля.

На відэа, размешчаных у сацыяльных сетках, відаць, як на месцы траплянняў узнік пажар.

Паводле папярэдняй інфармацыі, украінскія дроны атакавалі вайсковую частку №95408 так званага Чарнаморскага флоту РФ.

Інсайдэры сцвярджаюць, што на тэрыторыі гэтай вайсковай часткі цяпер базуецца ГРУ РФ. Відэа публікуе Telegram-канал Exilenova+.