Расейская прамысловасць сыплецца

• 20.08.2025, 15:04

Важны індэкс упаў да мінімуму з 2022 года.

Прамысловы сектар Расеі зноў паказаў трывожныя сігналы: вытворчая актыўнасць кампаній падае трэці месяц запар. Паводле інфармацыі Цэнтрабанка, у жніўні індэкс апусціўся да ўзроўню, які ў апошні раз фіксаваўся ў канцы 2022 года. Аналітыкі падкрэсліваюць, што эканоміка РФ не спраўляецца з наступствамі вайны і ростам праблем унутры краіны, піша «Дыялог.UA».

Індэкс цяперашняй дзелавой актыўнасці ў Расеі склаў -5,4 пункта, сведчаць звесткі апытання Цэнтрабанка сярод 15 тысяч кампаній. Гэта азначае, што настроі ў эканоміцы працягваюць пагаршацца: падае вытворчасць, растуць выдаткі, не стае кадраў і абаротных сродкаў.

Хто скардзіцца больш за ўсё

25% кампаній - на рост выдаткаў; 20% - на дэфіцыт персаналу; 15% - на недахоп грошай нават на існую працу.

Пасля трох гадоў ваеннага буму, калі на войска і абаронзаказ пайшло больш за 20 трлн рублёў, расейская эканоміка пачала тармазіць.

Прамысловасць, якая яшчэ нядаўна трымалася за кошт ВПК, зараз таксама сыходзіць у мінус. Рост прамысловай вытворчасці запаволіўся ўдвая, рост заробкаў - амаль у 2,5 разы, а, на прагноз МВФ, эканоміка РФ вырасце ў 5 разоў павольней, чым кітайская.

Што гэта значыць

Расея ўваходзіць у перыяд прыхаванай рэцэсіі. У аўтапраме і будаўніцтве ўжо назіраюцца масавыя пераводы супрацоўнікаў на скарочаныя графікі, як на «Аўтавазе» і «КамАЗе». Гэта зніжае даходы насельніцтва, а значыць, і ўнутраны попыт, які павінен быў бы выцягнуць эканоміку.

Эксперты папярэджваюць: эканоміка абрынаецца ў буйны крызіс, а спроба вярнуцца з ваенных рэек на мірныя «можа стаць разбуральнай». Як кажа эканамістка Эліна Рыбакова: «Гэтая бурбалка лопне, пакінуўшы невылечныя шнары на і без таго слабой эканоміцы».