Эрдаган правёў тэлефонную размову з Пуціным

• 20.08.2025, 14:18

Стамбул будзе пляцоўкай для далейшых перамоў?

Прэзідэнт Турцыі Раджэп Таіп Эрдаган правёў тэлефонную размову з расейскім дыктатарам Уладзімірам Пуціным. Сярод ключавых тэм - саміт на Алясцы, а таксама перамовы ў Стамбуле.

Пра гэта паведамляе РБК-Украіна са спасылкай на прэс-службу Крамля.

Адзначаецца, што падчас размовы лідары краін абмеркавалі апошняе развіццё сітуацыі вакол мірных перамоў Украіны і РФ. Дарэчы, Пуцін выказаў сваю ацэнку расейска-амерыканскай сустрэчы, якая адбылася ў Анкарыджы.

Таксама Пуцін нібыта падзякаваў Турцыі за садзейнічанне ў правядзенні перамоў паміж прадстаўнікамі Украіны і Расеі ў Стамбуле.

Акрамя таго, падчас размовы закраналіся некаторыя двухбаковыя пытанні, уключаючы далейшае развіццё гандлёва-інвестыцыйных сувязей.