Відэа: УСУ падбілі расейскага генерала ў Курскай вобласці

• 19.08.2025, 19:41

Герой Расеі генерал Абачоў атрымаў цяжкае раненне.

Падраздзяленне Ua Reg Team сілаў спецыяльных аперацый УСУ апублікавала відэа, на якім паказана, як 16 жніўня ўкраінскім дронам быў падбіты ваенны аўтамабіль, у якім знаходзіўся расейскі генерал, герой Расеі Эседула Абачоў.

Гэта адбылося, як сцвярджаецца, 16 жніўня блізу 21:30 на трасе Рыльск – Хамутоўка ў Курскай вобласці. У вайсковы аўтамабіль удалося трапіць пасля серыі дакладных удараў экіпажу FPV-дронаў Ua Reg Team.

У транспартным сродку з ваенным нумарам 9828 РМ, як паведамляецца, знаходзіўся намеснік камандзіра групоўкі войскаў расейскай арміі «Поўнач» генерал-лейтэнант Эседула Абачоў. У выніку ўдару ён атрымаў цяжкія раненні, якія прывялі да ампутацыі рукі і нагі і фактычнай страты працаздольнасці.