Трамп заявіў, што Украіна «атрымае шмат зямлі»

• 19.08.2025, 15:46

Кіеў верне свае тэрыторыі ў выніку ўгоды з РФ.

Пра гэта паведамляе «РБК-Украіна» са спасылкай на заяву Трампа.

Раней Трамп меркаваў, што мірнае пагадненне паміж РФ і Украінай можа запатрабаваць «пэўнага абмену тэрыторыямі».

У той жа час ён казаў, што Украіна верне частку сваіх тэрыторый.

СМІ пісалі, што расейскі дыктатар Уладзімір Пуцін нібыта хоча, каб Украіна цалкам вывела войскі з Данецкай і Луганскай абласцей у абмен на замарожванне ліній фронту ў Херсонскай і Запарожскай абласцях.

Пытанне тэрыторый

Раней спецпасланнік Дональда Трампа Стыў Уіткаф заявіў, што Расея нібыта пайшла на саступкі Украіне ў пяці рэгіёнах. Аднак канкрэтыкі ў ягоных словах не было, і на пытанне журналістаў ён разгубіўся.

Прэзідэнт Украіны Уладзімір Зяленскі 17 жніўня ў Брусэлі падкрэсліў, што ўсе тэрытарыяльныя пытанні павінны абмяркоўвацца толькі ў час трохбаковай сустрэчы лідараў. Цяпер Масква не дэманструе прыкмет гатоўнасці да такога фармату.