У Анапе расейцам пачалі прапаноўваць абуваць бахілы для выхаду на пляж

• 18.08.2025, 12:50

Праз разліў мазуту.

У адным з санаторыяў Анапы адпачывальнікаў сталі прасіць абуваць бахілы перад выхадам на пляж, які пацярпеў ад разліву мазуту, піша The Moscow Times. «Паважаныя госці! У сувязі з сітуацыяй, якая склалася, (разліў нафтапрадуктаў ля Керчанскай пратокі, калі ласка, надзеньце бахілы пры наведванні пляжу», - гаворыцца ў аб'яве адміністрацыі. Як адзначае RusNews, санаторый належыць да сістэмы санаторыяў Федэральнай падатковай службы Расеі.

Пляжы на чарнаморскім узбярэжжы Краснадарскага краю выявіліся забруджанымі мазутам пасля катастрофы двух танкераў у Керчанскай пратоцы 15 снежня 2024 года. Тады ў Чорнае мора выцекла не менш за 4000 тон мазуту з больш чым 9000 тон, якія знаходзіліся на бартах суднаў. Гэта прывяло да масавай гібелі птушак і марскіх насельнікаў, а выцек дасягнуў берагоў Крыма, Адэсы і Абхазіі.

Мацней за ўсё пацярпела берагавая лінія Анапы, дзе ўлады забаранілі купанне. Работы па ліквідацыі наступстваў разліву працягваюцца восьмы месяц. 12 жніўня вадалазы ў Джэмеце збіралі і вывезлі на бераг 253 мяхі забруджанага грунту. Пры гэтым прадстаўнік Распрыроднагляду раней заяўляў, што сабраць увесь мазут, які выліўся ў Чорнае мора, не ўяўляецца магчымым. Таксама ў ведамстве адзначалі, што паліва працягвае паступаць у ваду з борта танкера «Волганафта-212», які патануў.