Зяленскі: Гэта гістарычная пастанова

• 17.08.2025, 20:02

Прэзідэнт Украіны вітаў гатоўнасць ЗША удзельнічаць у гарантыях бяспекі.

Прэзідэнт Украіны Уладзімір Зяленскі назваў "гістарычнай пастановай" гатоўнасць ЗША удзельнічаць у гарантыях бяспекі Украіны, і расказаў, якімі, на яго думку, гэтыя гарантыі павінны быць.

“Гэта гістарычная пастанова, што Злучаныя Штаты гатовыя удзельнічаць у гарантыях бяспекі для Украіны. Гарантыі бяспекі ў выніку нашай сумеснай працы павінны быць сапраўды вельмі практычнымі і даваць абарону на зямлі, у небе і на моры, а таксама павінны распрацоўвацца з удзелам Еўропы”, - гаворыць ў заяве Зяленскі пра вынікі перамовы з лідарамі “кааліцыі рашучых”.

Прэзідэнт Украіны таксама адзначыў, што ўсе ўдзельнікі перамоваў згаджаюцца, што межы дзяржаў не павінны мяняцца сілай і асноўныя пытанні павінны развязваць з удзелам Украіны ў трохбаковым фармаце: Украіна, ЗША, расейскі кіраўнік.

"Мы фармуем агульны погляд на тое, якім павінна быць мірнае пагадненне - сапраўды сумленнае, хуткае і такое, якое спрацуе", - адзначыў таксама Зяленскі.

Раней пасланнік Трампа Стывен Віткаф заявіў, што падчас саміту на Алясцы расейцы ўпершыню пагадзіліся на гарантыі бяспекі для Украіны, падобныя на артыкул 5 пагаднення аб NATO.