Рубіё: Украіна і Расея павінны пайсці на саступкі

• 17.08.2025, 17:33

Гэта адзіны спосаб дасягнуць мірнага пагаднення.

Дзяржаўны сакратар ЗША Марка Рубіё заявіў, што Украіна і Расея павінны пайсці на саступкі, каб дасягнуць мірнага пагаднення. Аб гэтым ён сказаў у эфіры NBS News.

З яго слоў, адзіны спосаб дасягнуць пагаднення - гэта калі кожны бок нешта атрымлівае і кожны бок нешта аддае.

«Адзіны спосаб дасягнуць пагаднення – гэта, каб кожны бок нешта атрымаў, і кожны бок нешта даў - і гэта было вельмі складана. Калі б гэта было лёгка, гэтага б не працягвалася 3,5 гады...Вось чаму Зяленскі прыязджае заўтра», - адзначыў дзяржсакратар ЗША.

У той жа час Рубіё запэўніў, што ЗША працуюць над стварэннем гарантый бяспекі для Украіны ў будучыні, таму Расея павінна зразумець гэтае патрабаванне Кіева.

Таксама палітык падкрэсліў, што ЗША не прызнаюць сябе ўдзельнікам канфлікту ва Украіне.

З яго слоў, найлепшым вынікам урэгулявання расейска-ўкраінскай вайны для ЗША стала б паўнавартасная мірная дамова, а не часовае спыненне агню.