«Рэальна, глядзіце, 40°C»

• 17.08.2025, 16:09

Беларуска расказала, як у спякоту ў дызелі ўключылі ацяпленне.

Беларуска Іна днямі праехалася на дызелі, піша «Зеркало». Лета, у салоне спякота, а каманда саставу чамусьці ўключыла ацяпленне. Жанчыну гэтая сітуацыя здзівіла, і яна ўдакладніла, чаму так. Выявілася, ёсць тлумачэнне. Аб гэтым пасажырка распавяла на сваёй старонцы ў TikTok.

- Едзем на дызелі. Лета, спякота, а тут грэюць печку, - з усмешкай апісвае сітуацыю Іна. - Рэальна, глядзіце, 40°C.

У гэты момант яна паказвае градуснік у цягніку, на ім стрэлка тэрмометра размяшчаецца на адзнацы 42°C.

- Як нам растлумачылі, альбо мы стаім і астуджаем рухавік, альбо едзем і палім печку, – кажа яна, не ўдакладніўшы, хто ёй гэта сказаў. - І мы едзем і палім у печы. 40°C.

За дзень відэа Іны набрала больш за 120 тысяч праглядаў. Пад ім звыш 440 каментароў. У іх некаторыя жартавалі:

«Які кошт, такі і камфорт. Затое за 10 рублёў можна ўсю краіну аб'ездзіць».

«А венікі бярозавыя не выдаюць?».

«Лепш дрэнна ехаць, чым добра ісці ці чакаць».

«Ох, памятаю, як у нейкім годзе зімой ехаў з Берасця ў Пінск на электрычцы, якую цягне дызельная галава. У цемры і без ацяплення».

Сярод удзельнікаў размовы знайшоўся і той, хто больш падрабязна растлумачыў, навошта ў спякоту каманда БелЧ уключыла печку.

- Сістэма астуджэння не спраўляецца з перагрэвам рухавіка ў летні час. Калі брыгада ўключыла печку ў салонах, то значыць, яны ўжо пераспрабавалі ўсе спосабы неяк астудзіць рухавік [па-іншаму], - напісаў карыстач, які прадставіўся чалавекам з гэтай сферы. - Калі б яны не ўключылі абаграванне салона і не размеркавалі тэмпературу, то вы б не ехалі, а стаялі, бо ў рухавіка стаіць абарона на перагрэў, і ён глухне. [Незапланаваны прыпынак] - гэта незахаванне графіка, стаянка на перагоне. Таму брыгада павінна рабіць усё магчымае, каб пазбегнуць гэтага [прастою].

«Затое за 10 рублёў можна ўсю краіну аб'ездзіць». Беларуска расказала, як у гарачыню ехала ў дызелі, і там уключылі ацяпленне.

«А венікі бярозавыя не выдаюць?»