Зяленскі прыбыў у Брусэль

• 17.08.2025, 15:29

Ён сустрэнецца з кіраўніцай Еўракамісіі і возьме ўдзел у паседжанні «кааліцыі ахвотных».

Прэзідэнт Украіны Уладзімір Зяленскі прыбыў у Брусэль у нядзелю, 17 жніўня. Ён сустрэнецца з кіраўніцай Еўракамісіі і возьме ўдзел у паседжанні «кааліцыі ахвотных».

Пра гэта паведамляе «РБК-Украіна» са спасылкай на каментар прэс-сакратара прэзідэнта Сяргея Нікіфарава журналістам.

Як зазначаецца, кіраўнік дзяржавы правядзе двухбаковую сустрэчу з прэзідэнткай Еўракамісіі Уршулай фон дэр Ляен. Чакаецца, што паводле вынікаў сустрэчы яны выйдуць да СМІ.

Пасля гэтага Уладзімір Зяленскі і Уршуля фон дэр Ляен возьмуць удзел у анлайн-паседжанні лідараў «кааліцыі ахвотных».