Абмежаванні на наведванне лясоў дзейнічаюць амаль па ўсёй Беларусі

• 17.08.2025, 14:42

Дзе яшчэ можна збіраць грыбы?

Абмежаванні на наведванне лясных масіваў уведзеныя амаль ва ўсіх раёнах краіны. Гэта звязана з павышанай рызыкай узнікнення пажараў праз навальніцы і парывісты вецер 17 жніўня, паведамляе Мінлясгас.

Наведванне лясоў без абмежаванняў дапушчальна толькі ў Мядзельскім, Пастаўскім, Шаркаўшчынскім, Браслаўскім, Мёрскім, Верхнядзвінскім раёнах.

Варта адзначыць, што ў пяці раёнах краіны – Берасцейскім, Жабінкаўскім, Камянецкім, Кобрынскім, Маларыцкім уведзеныя забароны.