У МНС Беларусі паказалі, як шквал знёс дахі 16 дамоў і дрэвы

• 17.08.2025, 13:14

Апублікаванае відэа наступстваў непагадзі.

У Міністэрстве надзвычайных сітуацыяў (МНС) 17 жніўня паведамілі, што праз навальнічны фронт пацярпелі горад Кіраўск і аграгарадок Заяліца Глускага раёна Магілёўскай вобласці, а таксама аграгарадок Жыдча Пінскага раёна Берасцейскай вобласці.

Паводле звестак ратавальнікаў, там вецер 16 жніўня пашкодзіў дахі 16 жылых і 1 нежылога дома, а таксама 1 вытворчага будынка і 2 аб'екты сацкультбыту. Акрамя таго, зафіксаваныя 5 выпадкаў падзення дрэваў.

На шчасце, пацярпелых няма.

МНС апублікавала відэа наступстваў непагадзі.