Дачка Келага заклікала пакараць тых, хто прымусіў жаўнераў ЗША слаць дарожку Пуціну

• 16.08.2025, 13:59

Як мінімум яны не павінны былі быць у форме.

Службовых асоб, якія пастанавілі прыцягнуць амерыканскіх жаўнераў да рассцілання чырвонай дарожкі перад расейскім прэзідэнтам Уладзімірам Пуціным, трэба прыцягнуць да адказнасці.

Гэта жудасная пастанова, мяркуе дачка спецпрадстаўніка ЗША ў пытаннях Украіны Кіта Келага, кіраўніца гуманітарнага фонду R.T. Weatherman Foundation Меган Мобс.

«Амерыканскіх жаўнераў у форме не трэба было выкарыстоўваць для рассцілання чырвонай дарожкі для аднаго з нашых галоўных супраціўнікаў. Кропка. Жудасная пастанова, і той, хто яео прыняў, павінен мець наступствы», - напісала яна ў сацсетцы Х.

«Як мінімум, яны не павінны былі быць у форме», – дадала дачка амерыканскага генерала.

Нагадаем, 15 жніўня ў Анкарыджы на Алясцы адбылася сустрэча прэзідэнта ЗША Дональда Трампа і лідара Крамля Уладзіміра Пуціна, падчас якой Трамп некалькі разоў пляскаў у ладкі расейскаму прэзідэнту. Аднак Белы дом выразаў гэтыя кадры з відэаролікаў. Імаверна, гэта было зроблена пасля таго, як сетка ўзарвалася рэакцыямі на такія дзеянні прэзідэнта ЗША. Людзі звярнулі ўвагу на тое, што Трамп пляскае ў ладкі палітыку, якога шукае Міжнародны крымінальны суд за выкраданне ўкраінскіх дзяцей.