Белы дом выразаў з відэа моманты, калі Трамп пляскаў у ладкі Пуціну

• 16.08.2025, 10:14

Гэта выклікала значны ажыятаж у СМІ.

Прэзідэнт ЗША Дональд Трамп падчас сустрэчы расейскага дыктатара Уладзіміра Пуціна на Алясцы некалькі разоў пляскаў у ладкі лідару Крамля. Аднак гэтыя кадры былі выразаныя на відэа Белага дома.

Пра гэта паведамляе The Guardian.

Што папярэднічала

Трамп сустрэў Пуціна на Алясцы пасля таго, як яго самалёт прызямліўся ў Анкарыджы. Для сустрэчы дыктатара там падрыхтавалі трап і чырвоную дарожку.

Падчас таго, як Пуцін з самалёта ішоў да Трампа, той некалькі разоў пляскаў яму у ладкі. Гэта выклікала значны ажыятаж у СМІ. Прынамсі, расСМІ разглядалі гэты ўчынак Трампа як станоўчы для Пуціна.

Што зрабіў Белы дом

Праз некаторы час Белы дом апублікаваў афіцыйныя фота і відэа з моманту сустрэчы Трампа і Пуціна. Аднак на відэа, якое прадэманстравала адміністрацыя Трампа, выразаныя ягоныя апладысменты Пуціну.