За самалётам Пуціна, які накіроўваўся на Аляску, сачылі больш за 160000 чалавек

• 15.08.2025, 21:11

Борт прызямліўся.

За палётам самалёта Ту-214ПУ, на якім расейскі дыктатар Уладзімір Пуцін накіроўваецца на сустрэчу з прэзідэнтам ЗША Дональдам Трампам, у рэжыме рэальнага часу сочаць больш за 160000 чалавек. Пра гэта сведчаць звесткі сэрвісу FlightRadar.

Паводле звестак сэрвісу, самалёт вылецеў з Магадана амаль на гадзіну пазней за запланаваны час.

Адпаведна час прыбыцця ў Анкарыдж таксама змяніўся. Замест запланаваных 09:07 (20:07 паводле Менска) самалёт павінен прызямліцца ў 09:44 (20:44 паводле Менска).

На 20:15 паводле менскага часу за перасоўваннем самалёта сачылі 162000 карыстальнікаў.

На 20:33 борт Пуціна заходзіў на пасадку.