Белы дом назваў склад дэлегацыі на сустрэчу Трампа і Пуціна

• 15.08.2025, 14:50

Раней гэта зрабіў Крэмль.

Белы дом абнародаваў склад дэлегацыі, якая возьме ўдзел у перамовах прэзідэнта ЗША Дональда Трампа і расейскага дыктатара Уладзіміра Пуціна.

Аб гэтым паведамляе Sky News і Reuters.

Паводле паведамлення Белага дома, разам з Трампам на Аляску адправяцца дзяржаўны сакратар, некалькі міністраў, а таксама дырэктар ЦРУ.

Склад амерыканскай дэлегацыі:

дзяржаўны сакратар ЗША Марка Рубіё;

міністр фінансаў Скот Бэсэнт;

міністр гандлю Говард Лутнік;

дырэктар ЦРУ Джон Рэткліф;

спецпрадстаўнік Стыў Уіткаф;

прэс-сакратар Кэралайн Левіт.

Сёння, 15 жніўня, пачнецца сустрэча прэзідэнта ЗША Дональда Трампа і расейскага дыктатара Уладзіміра Пуціна. Галоўнай тэмай перамоў стане спыненне агню на фронце і магчымасць заканчэння вайны Расеі супраць Украіны.

Раней стала вядома, што разам з Уладзімірам Пуціным на сустрэчы будуць яшчэ пяць расейскіх чыноўнікаў.