З акна менскага дома выкінулі больш за 18 тысяч даляраў

• 15.08.2025, 19:29

Што было потым?

Ашуканцы сабралі ўсе самыя хадавыя легенды, каб падмануць 77-гадовага менчука. Спачатку яму патэлефанавалі нібыта прадстаўнікі мабільнага аператара, потым нехта прадставіўся міліцыяй.

Мужчыну пераканалі, што злачынцы спрабуюць зняць з ягонага рахунку грошы, таму будзе распачатая крымінальная справа, а ў ягоным доме пройдзе ператрус.

Каб назапашванні не зніклі, менчуку параілі іх задэклараваць праз кур'ера Нацыянальнага банка.

Праз некалькі гадзін да дома пенсіянера пад'ехала аўто, ён выкінуў з акна ўсе назапашванні - 18 000 даляраў, 600 еўраў і больш за 1000 рублёў. Толькі потым мянчук зразумеў, што яго падманулі.

Распачатая крымінальная справа па факце махлярства.