Што зменіцца ў беларускіх школах з 1 верасня

• 14.08.2025, 14:41

Новаўвядзенні закрануць кожнага школьніка.

У Беларусі заканчваецца падрыхтоўка да новага навучальнага года. У Міністэрстве адукацыі расказалі, якія новаўвядзенні чакаюць навучэнцаў сёлета.

Фізкультура з гэтага года будзе праводзіцца тры разы на тыдзень. Адзін урок будзе гульнявым, без нарматываў. У старэйшых класах ўводзіцца гімнастыка на спартыўных прыладах. Акрамя таго, магчымыя хатнія заданні на занятках фізічнай культуры.

Адное з галоўных новаўвядзенняў - забарона на карыстанне тэлефонамі падчас урокаў. Вучні будуць здаваць гаджэты ў спецыяльныя сховішчы.

Асобна падкрэсліваецца патрэба пільнавацца дзелавога стылю адзення, які павінен спрыяць «выхаванню дысцыпліны, павагі да школы і адказнасці».

Дзесяцікласнікі скончаць навучанне ў 2026 годзе 25 траўня, каб трапіць на вучэбна-палявыя зборы.

У сельскіх і кадэцкіх школах уводзіцца навучанне кіраванню аўтамабілем.