ЦПД: Пуціна чакае расчараванне пасля сустрэчы з Трампам

• 13.08.2025, 11:28

Экспэрт назваў прычыну.

Расея спрабуе стварыць уражанне, што менавіта яна разам з прэзідэнтам ЗША Дональдам Трампам вызначае будучыню Еўропы і ход вайны ва Украіне. Зрэшты, іх чакае расчараванне.

Пра гэта паведаміў кіраўнік Цэнтра процідзеяння дэзінфармацыі РНБА Андрэй Каваленка.

«Расейцы спрабуюць зрабіць выгляд, што толькі яны з Трампам вызначаюць лёс Еўропы і вайны ва Украіне. Спрабуюць рабіць выгляд, што іншых пазіцый не існуе. Зрэшты, іх чакае расчараванне і несупадзенне чаканняў», - заявіў Каваленка.

З ягоных слоў, рэальнасць будзе для Уладзіміра Пуціна непрыемнай. Дональд Трамп не разглядае Расею як раўнапраўнага партнёра, а ключавой тэмай для ЗША ў дыялогу з Масквой стане Арктыка і ўспрыманне РФ як сыравіннага прыдатка.

Каваленка адзначыў, што пытанне Еўропы і Украіны Вашынгтон абмяркоўвае непасрэдна з ЕЗ і Кіевам, падкрэсліў Каваленка.