Кіраўніка ГУВ Буданава сфатаграфавалі на Змяіным і каля «вышак Бойкі»

• 12.08.2025, 19:26

Што ён там рабіў?

Галоўная ўправа выведкі Міністэрства абароны Украіны 12 жніўня апублікавала фота свайго кіраўніка з групай вайскоўцаў на востраве Змяіным, а таксама на газаздабыўных вышках ля берагоў Чорнага мора, вызваленых ад расейскіх акупантаў.

Кадры зробленыя падчас паездкі Буданава на пазіцыі сіл абароны Украіны на гэтых аб'ектах. У ГУВ не ўказалі, калі ён там быў.

У паведамленні адзначаецца, што начальнік ваеннай выведкі правёў нараду і ўзнагародзіў байцоў «Спецпадраздзялення Цімура», які нясе службу ў акваторыі ЧМ.