Беларус прадае стадаляравую купюру за 700 рублёў

• 11.08.2025, 21:04

Чаму так дорага?

На інтэрнэт-пляцоўцы ay.by з'явіўся лот, які ацэняць калекцыянеры ці аматары нумаралогіі. На гандаль выстаўленая стадаляравая купюра. Яна сапраўдная, а яе ўладальнік хоча атрымаць за яе мінімум 700 беларускіх рублёў. На банкноце, як і належыць, намаляваны Бенджамін Франклін, паведамляе blizko.by.

Яе асаблівасць не ў гэтым. Нумар у купюры не звычайны – LG38888888B.

«100 даляраў з прыгожым нумарам для калекцыянавання», – так апісвае лот ягоны ўладальнік. Гандаль за незвычайную купюру будзе прадаўжацца яшчэ 22 дні. На сёння кошт незвычайнай амерыканскай «соткі» складае 700 рублёў ці 7 рублёў за даляр.