Прэм'ер Індыі нечакана патэлефанаваў Зяленскаму

• 11.08.2025, 18:45

Нарэндра Модзі паабяцаў умацоўваць сувязі з Украінай і абмежаваць імпарт расейскіх энэрганосьбітаў.

Прэм'ер-міністр Індыі Нарэндра Модзі заявіў, што Індыя захоўвае курс на ўмацаванне сувязей з Украінай і заклікае да мірнага развязання вайны з Расеяй. Пра гэта ён расказаў у сваім паведамленні ў Х пасля тэлефоннай размовы з прэзідэнтам Украіны Уладзімірам Зяленскім.

«Індыя па-ранейшаму адданая разнастайнаму ўнёску ў гэтым накірунку, а таксама далейшаму ўмацаванню двухбаковых сувязей з Украінай», — заявіў Модзі.

Зяленскі ў сваім тэлеграм-канале адзначыў салідарнасць Модзі з прынцыпам «усе справы, якія тычацца Украіны, павінны развязвацца з удзелам Украіны».

У паведамленні прэзідэнта Украіны гаворыцца, што Модзі адзначыў важнасць абмежавання Індыяй імпарту расейскіх энэрганосьбітаў, напрыклад, нафты, каб памяншаць яе патэнцыял і здольнасць фінансаваць прадаўжэнне вайны.

Лідары дзвюх краін дамовіліся аб асабістай сустрэчы ў Генеральнай Асамблеі ААН у верасні гэтага года.