Восем краін увялі санкцыі супраць беларускага рэжыму

• 11.08.2025, 15:15

Яны далучыліся да абмежавальных захадаў ЕЗ.

Яшчэ восем краін пастанавілі падтрымаць новыя еўрапейскія санкцыі супраць Беларусі і Расеі, уведзеныя ў мінулым месяцы. Пра гэта 11 жніўня паведамілі ў прэс-службе Рады ЕЗ.

Да 18-га санкцыйнага пакета, зацверджанага 18 ліпеня і закранае ў тым ліку банкаўскі сектар, пастанавілі далучыцца наступныя краіны:

Украіна,

Албанія,

Боснія і Герцагавіна,

Ісландыя,

Ліхтэнштэйн,

Чарнагорыя,

Паўночная Македонія,

Нарвэгія.

У афіцыйнай заяве Рады ЕЗ тлумачыцца, што краіны, якія далучыліся да санкцый, павінны «забяспечыць адпаведнасць сваёй нацыянальнай палітыцы» пастанове Рады ЕЗ аб візавых абмежаваннях для фізічных асоб і эканамічных абмежаванняў у банкаўскай, фінансавай і эканамічнай сферах.