Амбасадар ЗША пры NATO дапусціў удзел Зяленскага ў сустрэчы Пуціна і Трампа

• 10.08.2025, 18:16

Сустрэча пройдзе на Алясцы.

Прэзідэнт Украіны Уладзімір Зяленскі можа ўдзельнічаць у сустрэчы кіраўнікоў Расеі і ЗША Уладзіміра Пуціна і Дональда Трампа на Алясцы, заявіў прадстаўнік ЗША ў NATO Мэцью Уітакер. Ягоныя словы пераказвае The New York Times.

У эфіры тэлеканала CNN ён сказаў, што пастанову аб тым, ці будзе прысутнічаць Зяленскі, яшчэ не прынялі. З ягоных слоў, цалкам магчыма, што ён таксама возьме ўдзел у перамовах.

«Я, безумоўна, уважаю, што гэта магчыма. Відавочна, пастанову будзе прымаць прэзідэнт, яна яшчэ не прынятая», - заявіў ён.