Продажы піва ў Нямеччыне ўпалі да новага мінімуму

• 1.08.2025, 16:48

Нямецкія півавары б'юць трывогу.

У першай палове 2025 года нямецкія бровары прадалі 3,9 млрд. літраў алкагольнага піва ўнутры краіны і за мяжой. Гэта самы нізкі паказчык, зафіксаваны з моманту пачатку вядзення статыстыкі ў 1993 годзе, паведамляе dpa.

Людзі ў Нямеччыне п'юць менш піва, чым калі-небудзь раней: у першай палове 2025 года нямецкія бровары прадалі 3,9 млрд. літраў алкагольнага піва на ўнутраным і знешнім рынках. Гэта самы нізкі паказчык, зафіксаваны з моманту пачатку вядзення статыстыкі ў 1993 годзе.

Гэта на 6,3% менш у параўнанні з аналагічным перыядам мінулага года, паведаміла ў пятніцу Федэральная статыстычная ўправа.

Падобнае падзенне назіралася толькі ў першыя месяцы пандэміі каранавіруса ў 2020 годзе і зноў у другой палове 2023 года.

Упершыню за шэсць месяцаў аб'ём продажаў піва ўпаў ніжэй за адзнаку 4 млрд. літраў.

Унутраныя продажы, якія ўсё яшчэ складаюць крыху менш за 82% ад агульнага аб'ёму, упалі на 6, 1%, тады як экспарт скараціўся яшчэ больш рэзка - на 7, 1%.

Нямецкая асацыяцыя півавараў тлумачыць падзенне не толькі дэмаграфічнымі зменамі, але і шырэйшымі эканамічнымі выклікамі.

Выканаўчы дырэктар асацыяцыі Хольгер Айхеле сказаў: “Кепскі спажывецкі клімат моцна б'е па броварах, гэтак жа, як па рэстарацыйным і раздробным сектарах».

Айхеле таксама папярэдзіў, што новае тарыфнае пагадненне ЕЗ з ЗША можа яшчэ больш узмацніць ціск на экспарцёраў.