Беларуская плыўчыха заваявала бронзавы медаль на чэмпіянаце свету

• 1.08.2025, 16:13

Спаборніцтвы праходзяць у Сінгапуры.

На чэмпіянаце свету ў водных відах спорту ў Сінгапуры беларуская плыўчыха Аліна Змушка заваявала бронзавы медаль на дыстанцыі 200 м. брасам.

Пасля першай паловы дыстанцыі наша суайчынніца ішла пятая, але потым дадала тэмпу і фінішавала трэцяй з вынікам 2:23.52. Такі ж вынік паказала Кэйлін Корбет з ПАР. Абедзве плыўчыхі атрымаюць бронзавыя медалі.

Пераможцай стала амерыканка Кейт Даглас - 2:18.50.

Гэта першы медаль “нейтральных” спартсменаў з Беларусі ў плаванні на спаборніцтвах у Сінгапуры. Раней бронзу і серабро заваявала сінхраністка Васіліна Хандошка.