Кіроўца спрабаваў непрыкметна правезці праз мяжу 65,5 тысячы манет

• 1.08.2025, 14:22

Схованку знайшлі мытнікі.

Кіроўца грузавіка схаваў у задняй частцы грузавога адсека паўпрычэпа 65,5 тысячы манет. Тайнік знайшлі мытнікі ў пункце пропуску «Казловічы».

37-гадовы грамадзянін Беларусі ехаў з Польшчы. Схаваныя манеты знайшлі з дапамогай стацыянарнага інспекцыйна-надгляднага комплексу.

«Агульны кошт выяўленых манет розных наміналаў, гадоў выпуску і краін эмітэнтаў склаў больш за 60 тысяч рублёў», — паведамілі ў Дзяржаўным мытным камітэце.

Распачаты адміністрацыйны працэс, кіроўцу пагражае штраф да 30 базавых адзінак з магчымай канфіскацыяй манет.