Транспартны калапс у Крыме: Керчанскі мост стаіць у заторах

• 1.08.2025, 14:15

Сотні аўтамабіляў у пастцы.

Раніца пятніцы ў акупаваным Крыме пачалася з хаосу на пад'ездах да так званага Крымскага моста, піша «Диалог.UA».

Са звестак расейскіх СМІ, якія спасылаюцца на маніторынгавы Інфацэнтр, больш за 1700 аўтамабіляў апынуліся заблакаваныя ў доўгіх чэргах на ручны надгляд.

Паводле інфармацыі інфармацыйнага цэнтра, з расейскага боку (Тамань) сабралася звыш 1 000 аўто, яшчэ амаль 650 – ля ўезду з боку Керчы.

Кіроўцам з боку Тамані даводзіцца чакаць звыш трох гадзін. Тыя, хто спрабуе трапіць у Крым з Керчы, стаяць у заторах па дзве гадзіны.

Прычына - узмацненне надгляду, відавочна выкліканае ўзмацненнем параноі расейскіх акупантаў, якія баяцца новых нападаў з боку Украіны.

Гэтым разам чэргі пачалі фармавацца яшчэ з ночы. Ужо да світання пятніцы сітуацыя на мосце нагадвала транспартны калапс. А такія сітуацыі на Крымскім мосце здараюцца рэгулярна.