УСУ знішчылі расейскія танкі па наводцы «знутры»

• 1.08.2025, 8:42

Расейцы перадаюць украінскім вайскоўцам звесткі аб тэхніцы і штабах.

Украінскія вайскоўцы ліквідавалі расейскія танкі на Запарожскім кірунку дзякуючы інфармацыі ад акупантаў.

Пра гэта паведамляе партызанскі рух «АТЭШ».

Агент руху «АТЭШ»са складу 57 асобнай брыгады зафіксаваў і аператыўна перадаў каардынаты замаскаваных танкаў Т-62, размешчаных на Запарожскім кірунку. Гэта дазволіла сілам абароны Украіны хутка адрэагаваць і правесці адпаведныя мерапрыемствы для нейтралізацыі варожай тэхнікі.

«Асаблівае значэнне мае той факт, што ўсё больш расейскіх вайскоўцаў усведамляюць злачынны характар вайны і выказваюць гатоўнасць супрацоўнічаць», - пішуць у «АТЭШ».

Апошнія тыдні былі зафіксаваныя выпадкі перадачы інфармацыі аб перамяшчэнні тэхнікі, месцазнаходжанні камандных пунктаў, а таксама пра выпадкі сабатажу загадаў і наўмыснага вываду тэхнікі з ладу.